У слуцкую бальніцу ўвечары 23 сакавіка ў цяжкім стане паступілі мужчына і дзве жанчыны. Наступнай раніцай мужчына і адна з жанчын памерлі. Дактары працягваюць змагацца за жыццё апошняй пацярпелай.
Галоўны доктар Слуцкай цэнтральнай раённай бальніцы Аляксандр Лінкевіч распавёў mlyn.by:
— Пацыенты не змаглі растлумачыць, што з імі здарылася, бо знаходзіліся ў крытычным стане. Супрацоўнікі міліцыі паведамілі нам, што, паводле папярэдніх дадзеных, мужчына і дзве жанчыны напярэдадні распівалі невядомую спіртазмяшчальную вадкасць. У суботу раніцай 67-гадовы случчак і 61-гадовая жыхарка раёна памерлі.
Па словах Аляксандра Лінкевіча, дактары да гэтага часу змагаюцца за жыццё 55-гадовай жанчыны, якая ў цяжкім стане знаходзіцца ў рэанімацыйным аддзяленні бальніцы.
Абставіны здарэння высвятляюць супрацоўнікі Слуцкага раённага аддзела ўнутраных спраў.
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары