Рэгістрацыя абітурыентаў для ўдзелу ў ЦТ адбудзецца з 2 мая па 1 чэрвеня, паведамляе БелТА.
Як і ў мінулым годзе, пры рэгістрацыі абітурыент павінен будзе прад'явіць дакумент, які сведчыць асобу, падаць заяву, аплаціць прыём і афармленне дакументаў і атрымаць пропуск. У выпадку немагчымасці прыбыцця абітурыента ў пункт рэгістрацыі з паважных прычын дакументы на рэгістрацыю для ўдзелу ў ЦТ змогуць падаць законныя прадстаўнікі непаўналетніх абітурыентаў або прадстаўнікі абітурыентаў, якія дзейнічаюць на падставе даверанасці.
Цэнтралізаванае тэставанне ў гэтым годзе пачнецца 12 чэрвеня з выпрабаванняў па беларускай мове, 14 чэрвеня адбудуцца тэсты па рускай мове, 16 чэрвеня — па грамадазнаўстве, 18 чэрвеня — па матэматыцы, 20 чэрвеня — па біялогіі, 22 чэрвеня — па замежных мовах (англійская, нямецкая, французская, іспанская, кітайская), 24 чэрвеня — па хіміі, 26 чэрвеня — па фізіцы, 28 чэрвеня — па гісторыі Беларусі, 30 чэрвеня — па геаграфіі. Завершыцца ЦТ 2 ліпеня экзаменам па сусветнай гісторыі (найноўшы час).
Тэрміны рэгістрацыі абітурыентаў для праходжання ЦТ у рэзервовыя дні — з 30 чэрвеня па 3 ліпеня.
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары