МЗС Расіі абвінаваціла Вялікабрытанію ў датычнасці да забойства Распуціна
Прадстаўнік МЗС Расіі Марыя Захарава абвінаваціла брытанскія спецслужбы ў забойстве Грыгорыя Распуціна. Выступаючы на брыфінгу, яна заявіла, што такія высновы можна зрабіць пасля прачытання кнігі былога агента Скотланд-Ярда Рычарда Калена, у якой нібыта прыводзяцца архіўныя дакументы афіцэраў брытанскай разведкі.
Акрамя таго, па словах Захаравай, Лондан датычны да гібелі расійскага імператара Паўла I і палітычнага дзеяча Конга Патрыса Лумумбы. Усе гэтыя забойствы прадстаўнік МЗС назвала дзяржаўнымі замовамі. Захарава назвала Вялікабрытанію «сусветным рэкардсменам па генацыдзе». Па яе ацэнках, брытанцы знішчылі да 95% абарыгенаў Аўстраліі падчас каланізацыі.
Захарава адзначыла, што зрабіла гэтыя заявы ў адказ на абвінавачванні брытанскіх уладаў у дачыненні Расіі да замоўленых забойстваў за мяжой. Лондан лічыць, што за нападам на былога агента ГРУ Сяргея Скрыпаля і яго дачкі ў брытанскім горадзе Солсберы 4 сакавіка стаіць менавіта Расія. Па дадзеных следства, Скрыпалёў атруцілі нервова-паралітычным рэчывам «Навічок», вырабленым на расійскай тэрыторыі. Расія ўсе абвінавачванні адмаўляе.
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары