Былы дырэктар брэсцкага прадстаўніцтва «Пінскдрэва» асуджаная за крадзяжы, паведаміў БелТА намеснік пракурора Брэста Аляксандр Верабей.
Будучы кіраўніком прадстаўніцтва кампаніі, жыхарка Брэста з верасня 2010 года па студзень 2017-га заключыла сем фіктыўных дамоваў падраду, працы па якіх у рэальнасці не праводзіліся. Налічаныя за нібыта праведзеныя работы грошы яна прысвойвала. Акрамя таго, дырэктар аформіла на працу вартаўніка і прадаўца, якія фактычна не працавалі.
Такім чынам прадпрыемству быў нанесены ўрон на суму больш за 12,2 тысячы рублёў. У ходзе следства абвінавачаная яго пакрыла цалкам.
Суд Маскоўскага раёна Брэста прызнаў экс-дырэктара вінаватай па ч.3 арт.210 (крадзеж шляхам злоўжывання службовымі паўнамоцтвамі ў буйным памеры) КК і прысудзіў яе да 4 гадоў пазбаўлення волі з адтэрміноўкай выканання пакарання на два гады.
Каментары