Паныласць, нуда і Акінфееў: Расія выйграла ў Іспаніі па пенальці
fifa.com
На чэмпіянаце свету па футболе грымнула сапраўдная cенсацыя. Расія ў 1/8 фіналу выйграла ў Іспаніі па пенальці 4:3.
Асноўны час і дадатковы час скончыліся ўнічыю. Прычым два мячы былі забітыя ў першым тайме. На аўтагол Сяргея Ігнашэвіча Расія адказала голам з пенальці Арцёма Дзюбы.
Матч быў адным з самых сумных на мундыялі. Іспанцы ўсе 125 хвілін гульні кантралявалі мяч, расіяне абараняліся, а іспанцы не былі здольныя на вастрыню ў атаках і большую частку матча проста без вялікіх перашкод пасаваліся ў сярэдзіне поля.
Свой адзіны мяч расіяне (Дзюба) забілі з пенальці, калі мяч выпадкова трапіў у руку Піке ў штрафной.
А ў дадатковы час Расія проста цягнула час да пенальці. Там галоўным героем стаў галкіпер Ігар Акінфееў, што адбіў два ўдары: Коке і Аспеса.
Вынік справядлівы. Іспаніі з такой гульнёй у адной чацвертай рабіць няма чаго.
А 21-й — матч Харватыя — Данія, дзе вызначыцца супернік Расіі ў чвэрцьфінале.
Каментары