Мітрапаліт Павел, які жыве ў Драздах: «Сусед кажа мне: Я рады, што наша краіна заняла нейкае там месца на чэмпіянаце свету»
Кіраўнік Беларускай праваслаўнай царквы, мітрапаліт Павел, у відэа на канале «Эхо-ТВ» паразважаў пра чэмпіянат свету па футболе, які нядаўна прайшоў у Расіі.
«Я шчыра рады, што ў нас добрыя спартсмены. Я неяк пытаюся ў суседа: «Якія ў цябе ўражанні ад гэтага чэмпіянату?» А ён мне кажа: «Ведаеце, я парадаваўся, што наша краіна заняла нейкае там месца, але мне ад гэтага ні горача ні холадна. Я нічога не набыў і нічога не страціў», — сказаў Павел.
Зборная Беларусі не ўдзельнічала ў чэмпіянаце свету па футболе, зборная Расіі дайшла да чвэрцьфіналу.
Мітрапаліт Мінскі і Заслаўскі Павел жыве па запрашэнні кіраўніка дзяржавы непасрэдна ў яго рэзідэнцыі ў Драздах. Пра гэта ён нядаўна пацвердзіў на судзе над былым кіраўніком выдавецтва Беларускага Экзархата Уладзімірам Грозавым.
Мітрапаліт Павел жыве ў Беларусі ад пачатку 2014 года, ён па-ранейшаму не мае беларускага грамадзянства.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары