21 ліпеня ў штучным вадаёме на прысядзібным участку ў вёсцы Хідры Кобрынскага раёна знайшлі цела дзіцяці, паведамляе УСК Брэсцкай вобласці.
Хлопчык, якому быў год і 10 месяцаў, гуляў на двары з мамай, яна займалася хатнімі справамі і прыглядала за сынам.
Каля 12.45 хлопчык знік, і маці пачала яго шукаць. Да пошукаў далучыўся бацька. У 13.15 цела хлопчыка знайшлі на дне штучнага вадаёма. Глыбіня сажалкі усяго 80 см.
Пры гэтым канава на ўчастку была абгароджана плотам, а брамка была зачынена. Як дзіця трапіла ў вадаём, зараз высвятляюць следчыя.
Каментары