Увядзенне забаронаў і абмежаванняў у пытанні паставак расійскіх нафтапрадуктаў у Беларусь парушыць асноўныя прынцыпы Дамовы аб стварэнні ЕАЭС. Такое меркаванне карэспандэнту БелТА выказаў старшыня канцэрна «Белнафтахім» Андрэй Рыбакоў.
«Сёння ў шэрагу расійскіх СМІ прагучала інфармацыя з каментаром міністра энергетыкі РФ Аляксандра Новака пра тое, што эканамічнай мэтазгоднасці ў тым, каб пастаўляць расійскія нафтапрадукты ў Рэспубліку Беларусь няма, таму што яны проста могуць рээкспартаваць.
Такія заявы, лічым, маюць на мэце паўплываць на ход перамоўнага працэсу і пазбаўленыя канструктыўнасці», - адзначыў Андрэй Рыбакоў.
Ён падкрэсліў, што сваю пазіцыю і аргументы перамоўшчыкі з беларускага боку агучваюць на кансультацыях і не маюць намеру трансляваць іх у СМІ да завяршэння перамоўнага працэсу і падпісання адпаведных дакументаў.
Зараз беларускі і расійскі бакі знаходзяцца ў стадыі збліжэння пазіцый па вызначэнні індыкатыўных балансаў на 2019 г. Уся праца па пастаўках расійскіх нафтапрадуктаў вядзецца выключна ў прававым полі. Беларусь выконвае ў поўным аб'ёме узятыя на сябе абавязацельствы.
«Увядзенне забаронаў і абмежаванняў у дадзеным пытанні парушыць асноўныя прынцыпы Дамовы аб стварэнні ЕАЭС. Адсутнасць сыравіны знізіць загрузку асобных прадпрыемстваў, што негатыўна адаб'ецца на канкурэнтаздольнасці беларускай нафтахімічнай прадукцыі», - сказаў на заканчэнне Андрэй Рыбакоў.
Перамовы па пытаннях далейшага супрацоўніцтва ў энергетычнай сферы будуць працягнутыя.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам12
Каментары