Лука Модрыч плануе ў студзені перайсці з мадрыдскага «Рэала» ў міланскі «Інтэр», паведамляе Sport Mediaset. Паводле інфармацыі крыніцы, харвацкі паўабаронца хоча змяніць абстаноўку і атрымаць магчымасць згуляць у рамках чэмпіянату Італіі супраць Крышціяну Раналду, які летам сышоў з «Рэала» ў турынскі «Ювентус».
«Інтэр» пачаў работу над трансферам Модрыча адразу пасля ЧС-2018. Міланскі клуб прапанаваў капітану зборнай Харватыі чатырохгадовы кантракт з заробкам € 11,5 млн за сезон. Меркавалася, што па заканчэнні тэрміна дамовы футбаліст, якому на той момант споўніцца 37 гадоў, пяройдзе ў кітайскі клуб «Цзянсу Сунін» (абедзвюма камандамі валодае Suning Holdings Group) і адыграе ў ім на тых жа ўмовах яшчэ два гады. Фактычна «Інтэр» прапаноўваў Модрычу амаль € 70 млн за шэсць гадоў.
Модрыч выступае за «Рэал» з 2012 года. Раней ён гуляў за загрэбскае «Дынама» і лонданскі «Тотэнхэм». У складзе мадрыдскага клуба хаўбек выйграў чатыры Лігі чэмпіёнаў, тры Суперкубкі УЕФА, тры чэмпіянаты свету сярод клубаў, чэмпіянат Іспаніі, Кубак і два Суперкубкі краіны. У 261 матчы за «Рэал» ён забіў 13 галоў.
На чэмпіянаце свету Модрыч атрымаў «Залаты мяч» як найлепшы гулец турніру.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў99
Каментары