Бацькі паехалі ў сваты «запіваць» нявесту для сына, а той не ведаў, хто меў стаць ягонай жонкай і адно заломваў удома рукі.
Праграма «Вяскоўцы» тэлеканала «Белсат» выправілася ў падарожжа ў вёску Вулька Драгічынскага раёну да выбітнага дуэту спевакоў — спадарыні Еўдакіі Зіновіч і спадара Фёдара Булыгі. Некалі іх з’яднала песня, яны стварылі сям'ю і, як кажуць, цяпер маюць магчымасць рэпетаваць удома.
Спевакі распавялі пра тое, як некалі хлопцы да крыві біліся за дзяўчат і як бацькі самі выбіралі нарачоных для сваіх дзяцей. Прагучала ў праграме і даўнейшая гісторыя, як паляшук хацеў зарабіць на каларадскім жуку, але ў выніку зазнаў толькі страты.
Вядоўца Віктар Шукеловіч здабыў у праграме аўтамабільныя дзверцы ды шукаў машыны, якая б да іх пасавала. Акрамя гэтага, няўрымслівы аўтар праграмы скрабаў бульбу, збіраў маліну і яблыкі, ласаваўся суседчынымі піражкамі, плёў лапці, раз'язджаў па вёсцы ў аўце, слухаў анекдоты з рэальнага жыцця ды атрымліваў асалоду ад старажытных палескіх спеваў на імправізаваным вясковым канцэрце.
Праграму «Вяскоўцы» глядзіце кожную сераду а 18:35 на тэлеканале «Белсат» праз спадарожнік «Астра 4A» (ранейшая назва «Sirius 4»), анлайн або ў Facebook.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары