Падчас наведвання Гродзенскага раёна Аляксандр Лукашэнка прыязджаў у аграсядзібу «Каробчыцы». Сярод іншага — майстар-класа па выразцы з дрэва яму правёў народны майстар Валянцін Багдзевіч.
Цікавым быў выбар майстра. Ён прапанаваў Лукашэнку папрактыкавацца ў выразцы старажытнага бога Белуна. «Гэта бог шчасця і ўдачы ў славян», — казаў яму Багдзевіч. Такія кадры былі прадэманстраваныя на тэлеканале «Беларусь-1».
Пра беларускую міфалогію і багоў дакладна вядома мала што. Існуе толькі шмат здагадак. Дык па адной з іх Бялун з’яўляецца прабацькам іншых нашых багоў старажытнасці. Ён выглядаў як стары з доўгай сівой барадой. Па адной з версій, гэта быў бацька Перуна.
Каментары