Бізнэсмен Аркадзь Ізраілевіч уляпаўся ў чарговы скандал.
Сутнасць у тым, што ягоная дарагая машына была прыпаркаваная на месцы для інвалідаў. У выніку вядучы Юрый Таболін, які меў права стаяць на гэтым месцы, вымушана падпёр «Бэнтлі» Ізраілевіча.
Са словаў Таболіна, праз паўгадзіны яму пазванілі са словамі «прыбяры машыну, а то не будзе чаго прыбіраць», а потым яшчэ і аблаялі ў духу «не дарма цябе прырода абдзяліла».
Як каментуе сітуацыю Ізраілевіч?
Ён кажа, што ні пры чым, бо за стырном быў кіроўца.
Але і ў шчырасці Таболіна сумняецца таксама.
«Я быў не ў горадзе. Можа там кіроўца каго падкінуў, выйшаў ненадоўга, а тут яго падлавілі? Я не ведаю. Яго [Таболіна] аблаялі… Дык а чаму ён не выклікаў ДАІ? Законную ўладу, якая б разабралася ў парушэнні. Можа ён сам справакаваў сітуацыю, а потым з'ехаў і прапіярыўся ў фэйсбуку, а кіроўца нават пра тое не ведаў? Падключыліся цяпер Матолькі розныя (я яго не ведаю, толькі чуў трохі) — збіраюць балы і лайкі», — сказаў Ізраілевіч.
«Але я дапамагаю інвалідам згодна з 300-м указам. Калі ён сапраўдны інвалід, то я кланяюся. Маючы нейкую хваробу, ён падтрымлівае сацыяльнае жыццё, вядзе канцэрты — ён жа вядучы? Я гатовы аказаць матэрыяльную падтрымку яму: на рэабілітацыю, аперацыю, не ведаю, у чым ён можа мае патрэбу. Ну калі ўсё сапраўды так было», — падсумаваў ён.
Чытайце таксама:
Ізраілевіч: Магчыма, у Курапатах ляжаць тыя, каго і трэба было расстраляць
Ізраілевіч патузаўся ля рэстарана ў Курапатах з пратэстоўцамі: «Там людзі стаяць за грошы»
Бізнэсмен Ізраілевіч — «Нашай Ніве»: Не мучцеся, размаўляйце па-руску!
Як бізнэсмен Ізраілевіч адрэагаваў на затрыманне Севярынца ФОТАФАКТ
«Новы час» выйграў суд у Ізраілевіча
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары