Былы вайсковец з Гватэмалы асуджаны на 5160 гадоў турмы: яго прызналі датычным да масавага забойства, якое адбылося больш за 30 гадоў таму, піша bbc.com.
У 1982 годзе ў пасёлку Дос Эрэс былі забітыя больш за 200 чалавек - гэта адзін з самых жорсткіх эпізодаў грамадзянскага канфлікту, які доўжыўся ў Гватэмале на працягу 36 гадоў - ад 1960 да 1996.
Сантаса Лопеза прызналі вінаватым у 171 з гэтых смерцяў.
Ён быў членам фарміравання «Кайбілес» — падраздзялення ўзброеных сілаў Гватэмалы, якое спецыялізаваўся на вядзенні вайны ў джунглях і барацьбе з паўстанцамі.
Суд вырашыў, што за кожнае з забойстваў чалавек павінен атрымаць па 30 гадоў турмы. Яшчэ 30 гадоў Лопез атрымаў за іншы эпізод, звязаны з яго роляй у забойстве дзяўчыны.
Спецпадраздзяленне узброеных сіл Гватэмалы напала на мястэчка Дос Эрэс 6 снежня 1982.
«Кайбілес» падазравалі мясцовых жыхароў у сімпатыях да паўстанцаў, якія за месяц да гэтага з засады забілі 21 вайскоўца.
Нягледзячы на тое, што падчас ператрусу пасёлка «Кайбілес» не знайшлі ніякай зброі, якую паўстанцы маглі адабраць у загінулых салдат, жыхароў вырашылі забіць.
На працягу некалькіх дзён салдаты расстрэльвалі і забівалі да смерці мужчын, жанчын і дзяцей. Целы загінулых скідалі ў калодзеж.
Адзін з нямногіх жыхароў Дос Эрэс, якім удалося выжыць, — трохгадовы хлопчык Оскар. Адзін з вайскоўцаў выратаваў яго ад смерці. Хлопчыка выхоўвалі бацькі салдата.
Акрамя Сантаса Лопеза, па справе аб масавым забойстве ў пасёлку Дос Эрэс турэмныя тэрміны атрымалі яшчэ пяцёра былых вайскоўцаў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі73
Каментары