Раніцай у нядзелю супрацоўнікі Светлагорскай ЦЭЦ заўважылі, што па трубах цеплатрасы, размешчаных высока над зямлёй, разгульвае малады чалавек, паведамляе мясцовае выданне Ранак.
На загады злезці ён не рэагаваў. На дапамогу былі выкліканы супрацоўнікі міліцыі. А затым прыбылі і ратавальнікі з аўталесвіцы.
Калі хлопец убачыў, што да яго хочуць наблізіцца, ён пачаў пагражаць, што саскочыць. Вышыня, на якой размешчаны трубы цеплатрасы, каля 8 метраў. Прыйшлося пачынаць перамовы.
На працягу больш чым паўтары гадзіны міліцыянты ўгаворвалі мужчыну перадумаць. Аднаму з супрацоўнікаў Светлагорскага аддзела аховы ўдалося падняцца наверх па скобах. Пасля доўгай размовы хлопец спусціўся ўніз.
Па сведчанні відавочцаў, малады чалавек быў відавочна ў неадэкватным стане, але паху алкаголю ад яго не адчувалася. Яго забрала «хуткая дапамога». Па некаторых звестках, хлопца павезлі ў Гомель у аддзяленне псіхіятрыі.
Цяпер чытаюць
Дэпутат Клішэвіч стаў кандыдатам гістарычных навук з дысертацыяй пра разлажэнне беларускага камсамола ў часы «перабудовы»4
Каментары