З 1 студзеня 2019 года частку нерэцэптных прэпаратаў можна будзе прадаваць не толькі ў аптэках, але і ў іншых месцах, напрыклад, у гандлёвых цэнтрах, крамах і на АЗС у Літве, піша Delfi.lt.
Віцэ-міністр аховы здароўя Крысціна Гаруолене сказала, што дзякуючы з'яўленню альтэрнатыўных месцаў продажу лекаў, людзі змогуць набыць неабходны прэпарат нават тады, калі аптэкі зачыненыя.
Вядома, жыхароў будуць ахоўваць ад нерацыянальнага выкарыстання лекаў. «У альтэрнатыўных месцах продажу можна будзе набыць толькі абмежаваную колькасць лекаў, якія ўжываюць для ліквідацыі лёгкіх недамаганняў, напрыклад, тых, у складзе якіх ёсць парацэтамол, ібупрафен. Лекі — асаблівы тавар, няправільнае выкарыстанне якога можа прынесці шкоду здароўю, а ў людзей не заўсёды ёсць неабходныя веды для ацэнкі, ці падыходзіць ім тое ці іншае лякарства», — сказала Гаруолене.
Каментары