Паводле інфармацыі прэс‑службы дыпмісіі, Э.Шапіра «рады, што прыехаў працаваць менавіта ў Беларусь, і зазначыў, што для яго вялікі гонар быць паслом Дзяржавы Ізраіль менавіта ў гэтай краіне».
14 студзеня пасол пачне працаваць у дыпламатычным прадстаўніцтве, а на наступным тыдні плануецца яго сустрэча з міністрам замежных спраў Беларусі Сяргеем Мартынавым. У найбліжэйшы час Э.Шапіра спадзяецца даць прэс‑канферэнцыю, аднак гэта адбудзецца не раней за яго афіцыйнае ўваходжанне на пасаду пасла.
Як раней паведамляў БелаПАН, беларускія ўлады звязваюць з прыездам новага пасла Ізраіля «пэўныя надзеі на пазітыўныя зрухі ў двухбаковых адносінах».
Паводле інфармацыі ізраільскіх СМІ, 46‑гадовы Э.Шапіра добра валодае рускай мовай і з’яўляецца адным з найбольш спрактыкаваных ізраільскіх дыпламатаў, якія прадстаўлялі сваю краіну ў постсавецкіх дзяржавах. Ён эміграваў з Кішынёва разам з бацькамі ў 11 гадоў. Ва універсітэце Тэль‑Авіва атрымаў дыплом па кіраванні бізнесам. Дыпламат не жанаты, цікавіцца тэатрам і любіць класічную музыку. У 2003—2004 гадах Э.Шапіра працаваў у ізраільскім пасольстве ў Расіі, а да гэтага — у дыпламатычных прадстаўніцтвах Ізраіля ва Украіне, Узбекістане і Тайландзе, займаў пасаду намесніка кіраўніка прэс‑службы МЗС Ізраіля па Усходняй Еўропе і СНД.
Са снежня 2004 года пасольства Ізраіля ў Беларусі ўзначальваў Зееў Бен‑Ар’е.
Цяпер чытаюць
Заснавальнік дабрачынных фондаў для дапамогі дзецям Лысянкоў дабегаўся — яго затрымаў ДФР3
Каментары