Новы віток гандлёвай вайны між ЗША і Кітаем можа мець наступствы для ўсяго свету
ЗША паднялі мыты на кітайскія тавары агульным аб'ёмам больш за 200 млрд даляраў.
Мыты падняліся з 10% да 25%. Пекін абяцае адказаць тым жа.
Яшчэ нядаўна Кітай і Амерыка, здавалася, блізкія да новай гандлёвай дамовы. Калі стала ясна, што прэзідэнт Трамп не настроены больш чакаць і гатовы падвысіць мыты, індэкс кітайскай біржы ўпаў на 7% за тыдзень.
Пад новыя амерыканскія тарыфы трапілі рыба, скургалантэрэя, адзенне і абутак.
Ранейшае павышэнне мытаў амерыканскім бокам на іншыя групы тавараў не прывяло да зніжэння дэфіцыту ў гандлі ЗША з Кітаем. Аднак Трамп гатовы ісці далей і вызначыў яшчэ адну групу тавараў, на 325 мільярдаў даляраў.
Перамовы пра гандаль працягваюцца, іх вядуць кітайскі віцэ-прэм'ер Лю Ге, гандлёвы прадстаўнік ЗША Роберт Лайтгайзэр і міністр гандлю ЗША Стывен Мнучын.
Рост пратэкцыянізму ў свеце можа прывесці да зніжэння аб'ёмаў міжнароднага гандлю. Найбольш гэта ўдарыць па Кітаі, аднак да новай сітуацыі няпроста будзе прыстасавацца многім краінам.
Злучаныя Штаты непакоіць вялізны дэфіцыт у гандлі з Кітаем і рост магутнасці гэтай краіны ўвогуле.
Стала вядома пра затрыманне 77-гадовага Васіля Густыра, аднаго з найлепшых аграрыяў Беларусі2
Каментары