Пасля завяршэння 83-га чэмпіянату свету ў Славакіі стаў вядомы папярэдні склад груп на наступны турнір у 2020 годзе ў Швейцарыі, паведамілі БелТА ў прэс-службе ФХБ.
Праз год зборная Беларусі, якая займае 14-е месца ў спісе IIHF, згуляе ў элітным дывізіёне чэмпіянату са зборнымі Канады, Швецыі, Чэхіі, Славакіі, Швейцарыі, Даніі і Вялікабрытаніі.
У другой групе апынуліся каманды Расіі, Фінляндыі, ЗША, Германіі, Латвіі, Нарвегіі, Італіі і Казахстана.
84-ы чэмпіянат свету пройдзе з 8 па 24 мая 2020 года швейцарскіх гарадах Цюрых і Лазана.
Зборная Беларусі па хакеі вярнулася ў элітны дывізіён сусветнага хакея, заняўшы другое месца на чэмпіянаце ў дывізіёне I у Нур-Султане і будзе застрахаваная ад вылету, паколькі ў 2021 годзе праводзіць сумесны чэмпіянат з Латвіяй.
Цяпер чытаюць
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»18
Каментары