Сярод загінулых — бацька і сын.
Па дадзеных СМІ, загінулыя падводнікі служылі ў вайсковай часці 45707 у Пецяргофе. Паводле інфармацыі з адкрытых крыніц, камандзір часткі — капітан першага рангу, Герой Расіі Аляксандр Апарын.
Уладзімір Пуцін заявіў раней, што сярод загінулых сем капітанаў першага рангу і два Героі Расіі. Міністэрства абароны імёнаў членаў экіпажа не называюць.
Камандзірам падводнай лодкі быў Дзяніс Далонскі. Знаёмыя Далонскага называюць яго капітанам першага рангу і Героем Расіі. Пра тое, што ў Далонскага ёсць гэтае званне, піша і карыстальнік Мікалай Радаеў. Ён таксама апублікаваў фатаграфіі, на якіх разам з Далонскім.
На атамнай глыбакаводнай станцыі АС-31 «Лашарык» загінуў выпрабавальнік глыбакаводнай ваеннай тэхнікі Мікалай Філін. Ён — капітан першага рангу, афіцэр падраздзялення Галоўнага ўпраўлення глыбакаводных даследаванняў Мінабароны, вынікае з дадзеных партала «Героі краіны». Яму было 57 гадоў. Званне Героя яму прысуджана прэзідэнцкім указам у 2018 годзе. Таксама ўзнагароджаны ордэнамі Мужнасці і «За ваенныя заслугі»
Яшчэ адзін загінулы — капітан першага рангу Андрэй Васкрасенскі, яго называюць зяцем контр-адмірала Уладзіміра Бедардзінава. Бедардзінаў звольніўся ў запас у 2003 годзе, гаворыцца на старонцы афіцыйнага сайта адміністрацыі Сасноваборскай гарадской акругі (Ленінградская вобласць).
Таксама загінуў Дзяніс Апарын, сын Аляксандра Апарына — камандзіра в/ч.
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары