Прэзідэнт Расіі Уладзімір Пуцін заявіў, што людзі маюць права на тое, каб выказваць сваё меркаванне, у тым ліку на пратэстных акцыях. Пра гэта ён заявіў на Усходнім эканамічным форуме ва Уладзівастоку, адказваючы на пытанне аб удзеле моладзі ў пратэстах «па суботах».
«Часам гэта (пратэсты) прыводзіць і да пазітыўнага выніку, таму што трасуць уладу, выстройваючы яе ў патрэбным кірунку з тым, каб яна эфектыўна вырашала праблемы», — сказаў Пуцін.
Ён таксама адказаў на пытанне, ці трэба мякчэй ставіцца да маладых удзельнікаў акцый пратэсту, чыім меркаваннем можна маніпуляваць. Пуцін адказаў: «У рамках закона - да ўсіх аднолькава».
Нагадаем, што па выніках летніх акцый пратэсту ў Маскве былі вынесеныя досыць суровыя прысуды — ад двух да пяці гадоў — за дзеянні супраць паліцэйскіх і прадстаўнікоў Рассгвардыі.
Так Кірыл Жукаў быў асуджаны на тры гады калоніі за тое, што паспрабаваў узняць забрала шлема супрацоўніка Расгвардыі, чым «нанёс яму фізічны боль». Уладзіслаў Сініца быў асуджаны на пяць гадоў за «твіт аб адплаце дзецям сілавікоў», Арцём Бяглец на два гады за тое, што пацягнуў паліцэйскага за руку, Іван Падкапаеў асуджаны на тры гады калоніі за тое, што распыліў газавы балончык у расгвардзейцаў.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары