Францыя ўслед за ЗША вырашыла «гарантаваць бяспеку сваіх вайскоўцам» у Сірыі
Францыя збіраецца ў тэрміновым парадку прыняць меры для бяспекі свайго вайсковага і грамадзянскага персаналу ў паўночна-ўсходняй Сірыі. Пра гэта гаворыцца ў заяве Елісейскага палаца ў ноч на панядзелак пасля экстраннага пасяджэння ўрада, паведамляе Reuters.
«У бліжэйшыя гадзіны будуць прыняты меры для бяспекі французскага ваеннага і грамадзянскага персаналу, які прысутнічае ў зоне ў рамках міжнароднай кааліцыі, якая змагаецца супраць «Ісламскай дзяржавы» і гуманітарных акцый», — гаворыцца ў заяве. Якія менавіта меры распачне Парыж, не ўдакладняецца.
У мінулую нядзелю Злучаныя Штаты абвясцілі, што пачынаюць вывад каля 1000 вайскоўцаў з паўночнай Сірыі, і, як заявілі крыніцы Reuters, вывад можа заняць некалькі дзён, а не тыдняў.
Раней у размове з Reuters французскія чыноўнікі казалі, што вывад амерыканскіх войскаў прымусіць французскіх вайскоўцаў таксама сысці, улічваючы, што яны залежаць ад матэрыяльна-тэхнічнай падтрымкі ЗША.
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары