Што будзе намалявана на трэцім мурале на вуліцы Прытыцкага
У Мінску прэзентавалі стрыт-арт-праект «Будучыня», перадаюць «Мінск-Навіны».
Ён прысвечаны сучаснай Беларусі, якую аўтары работ вырашылі паказаць праз вобразы маладых людзей.
Зараз гатовыя два з трох малюнкаў — «Фрыланс» (аўтар серб Artez) і «Лічбавы свет» (беларус Mutus).
На сцяне дома № 150 на вуліцы Прытыцкага намаляваная дзяўчына з заплечнікам, з якога выглядаюць васількі.
На 134-м — сімвалічны вобраз, навеяны славянскай багіняй Макош. У руках у дзяўчыны верацяно, а над галавой клубок сузор'яў.
— Працаваў над эскізам 2 месяцы, было шмат варыянтаў — каля 60. Я выклаўся па максімуме, ужыў увесь назапашаны вопыт, ідэі і тэхнічныя задумкі, — распавёў Mutus.
Завершыць мурал-трыпціх іспанскі мастак Slim, дапаможа яму ўвасобіць задумку яго суайчыннік Jofre Oliveras. У Мінск яны прыедуць у сярэдзіне лістапада.
Арганізатары праекту зачыталі пасланне Slim, якое апісвае яго ідэю:
— «Мы — героі будучыні». Гэта выява можа мець некалькі інтэрпрэтацый. Для мяне сюжэт увасабляе важнасць новага пакалення, якое ўяўляе сабой будучыню і прагрэс краіны.
Паводле слоў першага намесніка кіраўніка адміністрацыі Фрунзенскага раёна Дзяніса Драпея, у раёне будуць з'яўляцца новыя муралы, ужо ёсць прапановы. Але дзе менавіта і хто над імі будзе працаваць, пакуль не раскрываецца.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары