Супрацоўнікі паліцыі і жандармерыі затрымалі і змясцілі пад варту 87 чалавек падчас навядзення парадку на маніфестацыі ў Парыжы. Пра гэта паведаміў тэлеканалу BFM афіцыйны прадстаўнік паліцэйскай прэфектуры французскай сталіцы, піша tass.ru.
Усяго за гадзіну да гэтага колькасць затрыманых набліжалася да 60. На думку каментатараў тэлеканала, такое хуткае павелічэнне звязана з тым, што сілы правапарадку затрымалі шмат парушальнікаў на плошчы Рэспублікі, каб дазволіць выйсці на яе калоне мірных маніфестантаў, якія пратэставалі супраць планаў уладаў правесці пенсійную рэформу.
Сітуацыя на плошчы пасля трох гадзін бясчынстваў на ёй хуліганаў з «Чорнага блока» і іх нападаў на паліцыю нармалізуецца. Калона маніфестантаў праходзіць праз плошчу Рэспублікі да канцавога путкту свайго маршруту - плошчы Нацыі.
Масавая бестэрміновая забастоўка пачалася ў чацвер у Францыі ў сувязі з планамі ўрада скасаваць 42 асаблівыя пенсійныя рэжымы, дзякуючы якім работнікі асобных галін могуць выходзіць на пенсію раней і пры гэтым атрымліваць больш. Таксама прадугледжана падаўжэнне для ўсіх катэгорый грамадзян перыяду пенсійных унёскаў. Урад пайшоў на такія меры, каб пазбегнуць шматмільярднага дэфіцыту ў фінансаванні пенсійнай сістэмы ў агляднай будучыні.
Беларусам рэкамендуюць не наведваць Францыю ад заўтра: там чакаецца транспартны калапс ды іншыя праблемы
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары