Злачынец згубіў у чужой машыне мабільнік. Міліцыя яго ўключыла і парадавалася!
Кур'ёзны выпадак адбыўся на днях у Пінску, паведамляе прэс-служба міліцыі.
У мясцовы райаддзел звярнулася жанчына, яна распавяла, што з яе машыны скралі антырадар і FM-мадулятар. На месца здарэння прыехала следча-аператыўная група: побач з ручніком ляжаў смартфон, які не належаў гаспадыні…
У фотагалерэі мабільніка аператыўнікі выявілі здымкі маладых людзей на фоне аўтамабіляў, што, як пазней высветлілася, таксама былі ўскрытымі. Ідучы па здымках «фатографа», сышчыкі на суседняй вуліцы знайшлі яшчэ адну ўскрытую машыну, з якой былі скрадзеныя радыёстанцыя і відэарэгістратар.
Пазней усплыла яшчэ адна цікавая дэталь. Некалькі дзён таму ў міліцыю звярнулася пінчанка, якая паведаміла, што яе сын згубіў тэлефон, аднак сам ён пра гэта не хацеў казаць.
Калі ў госці да сям'і наведаліся супрацоўнікі міліцыі з тым самым тэлефонам, хлопец спачатку не хацеў «пазнаваць» яго. Але змесціва мабільніка пацвердзіла — гаспадар менавіта ён.
Як аказалася, двое таварышаў 21 і 18 гадоў зараблялі аўтакрадзяжамі.
А ў якасці трафея рабілі на тэлефон сэлфі ў машынах. Падчас апошняга крадзяжу мабільнік непрыкметна выслізнуў з кішэні і выдаў усю крымінальную праўду аб сваім маладым гаспадары.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары