У Крамлі лічаць развіццё адносін Беларусі і ЗША іх суверэнным правам, аднак іх «звышблізкае збліжэнне» малаімаверна, заявіў прэс-сакратар прэзідэнта Расіі Дзмітрый Пяскоў, піша ria.ru
«Па сутнасці, там наўрад ці можна казаць пра звышблізкае збліжэнне. Але ў дадзеным выпадку мы не можам каментаваць і не жадаем каментаваць кантакты нашых партнёраў з трэцімі краінамі. Гэта абсалютна суверэннае права і рэалізацыя іх суверэнных адносін», — сказаў Пяскоў журналістам, адказваючы на пытанне, ці не баяцца ў Масквеі заяў і звышблізкага збліжэння на сустрэчы прадстаўнікоў ЗША і Беларусі.
Дзяжсакратар ЗША Майк Пампеа 1 лютага быў з візітам у Мінску.
Падчас сустрэчы з Лукашэнкам ён адзначыў, што спадзяецца, што ЗША і Беларусь змогуць далей развіваць адносіны, каб Беларусь мела суверэнітэт і незалежнасць. «Я так разумею, гэта тое, чаго вы хочаце», — падкрэсліў ён.
Дзяржсакратар адзначыў, што вывучыў некалькі справаздач па гэтым пытанні і ведае аб доўгай гісторыі беларуска-расійскіх адносін. «Але мы не гаворым пра выбар паміж намі і імі. Мы гаворым аб дыпламатычных адносінах», — падкрэсліў дзяржсакратар.
Таксама Пампеа заявіў, што ЗША змогуць на 100% забяспечыць Беларусь энерганосьбітамі, Мінск толькі павінен агучыць гэтую просьбу.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак18
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары