Макрон: Эпідэмія каранавіруса ў Францыі — самая страшная за стагоддзе
З панядзелка, 16 сакавіка, у Францыі ўсе дзіцячыя сады, малодшыя, сярэднія, старэйшыя школы, а таксама ўніверсітэты закрыюцца для стрымлівання распаўсюду каранавіруса Covid-19. Навучальныя ўстановы будуць закрытыя да новага распараджэння. Пра гэта прэзідэнт Францыі Макрон абвясціў у чацвер, 12 сакавіка, у сваім тэлезвароце, паведамляе французскае радыё.
Прэзідэнт Францыі заклікаў усіх людзей, старэйшых за 70 гадоў, усіх, у каго рэспіраторныя захворванні, людзей з інваліднасцю па магчымасці не пакідаць сваіх дамоў. Усіх французаў ён заклікаў абмежаваць перамяшчэнні. Грамадскі транспарт пры гэтым будзе працягваць працаваць.
Макрон таксама заклікаў усе прадпрыемствы па магчымасці перавесці супрацоўнікаў на працу з дому.
Макрон падкрэсліў, што Францыя перажывае самы маштабны санітарны крызіс за стагоддзе (гаворка ідзе пра пандэмію іспанскага грыпу 1918-1919 гадоў).
Не былі адменены муніцыпальныя выбары, першы тур якіх запланаваны на 15 сакавіка.
У апошнія дні вірус Covid-19 пачаў хутчэй, чым раней, распаўсюджвацца па ўсёй Францыі. Да чацвярга, 12 сакавіка, на тэрыторыі краіны было зафіксавана 2876 выпадкаў заражэння. 61 чалавек памёр ад наступстваў каранавіруса. 129 знаходзяцца ў рэанімацыі.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары