Аляксандр Лукашэнка заявіў, што «не хаваецца за жалезабетон» ад каранавіруса і не ізалюе малодшага сына Мікалая, піша БелТА.
«Павінен вам сказаць, я нікуды не хаваюся. Катэгарычна забараніў, хто б ні прыходзіў, нейкія лішнія мерапрыемствы. А то атрымаецца, што людзям я кажу адно, а сам схаваўся нават не за гіпсавыя перагародкі, а за жалезабетон. Не, нічога асаблівага. Пра гэта прэс-сакратар нядаўна гаварыла. Гэта вельмі цікавіла нашу апазіцыю. Абсалютна нармальнае жыццё», — заявіў Лукашэнка падчас наведвання ААТ «Белгіпс» у пятніцу.
Па словах кіраўніка дзяржавы, яго малодшы сын Мікалай таксама працягвае хадзіць у школу. «У мяне свой такі ў школу ходзіць. У мяне, можа быць, і ёсць такая магчымасць, каб дзіця было ізалявана, але я яго не ізалюю», — адзначыў ён.
Як адзначыў Лукашэнка, са слоў сына, які наведвае школу, у іх у некаторых класах зараз не наведваюць заняткі да паловы вучняў. «Бацькі не пускаюць. Гэта іх справа. Гэта дзіця, іх справа, мы тут не забараняем», — падкрэсліў ён.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў17
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары