Пачатак паставак нафты з Расіі ў Беларусь у красавіку пад пагрозай зрыву, паколькі найбуйнейшыя расійскія кампаніі да гэтага часу не падпісалі дамовы з Белнафтахімам з-за рознагалоссяў, паведамілі Reuters чатыры крыніцы ў галіне.
Мінск хоча большую частку аб'ёму атрымліваць па-ранейшаму ад групы Сафмар, а расійскія кампаніі настойваюць на прынцыпе роўнадаступнасці, што прадугледжвае экспарт у кожным кірунку ў адпаведнасці са здабычай вытворцы, удакладнілі суразмоўцы агенцтва.
Асноўнай праблемай перамоваў краін нечакана стаў склад пастаўшчыкоў: кампаніі групы Сафмар, на думку астатніх экспарцёраў, ужо не маюць права накіроўваць сыравіну на НПЗ Беларусі, бо гэта парушае прынцып роўнадаступнасці, кажуць крыніцы.
Пры адсутнасці дамоўленасцяў пастаўшчыкамі нафты ў Беларусь у красавіку зноў могуць застацца толькі кампаніі групы Сафмар, лічаць тры крыніцы агенцтва.
Раней на гэтым тыдні прэм'ер-міністр Сяргей Румас заявіў, што Расія ўзгадніла прапанаваныя Мінскам умовы пастаўкі нафты. Крыніцы Reuters удакладнілі, што гаворка ідзе аб павелічэнні зніжкі да формулы цаны на $12 да $15,7 за тону.
Цяпер чытаюць
Арыштаваны міністр прыродных рэсурсаў выбраў «стратэгію Брыло»2
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары