Найлепшы эканамічны сцэнар 2020 года: рэцэсія 3,5% з элементамі фінансавай і цэнавай стабільнасці. Найгоршы сцэнар: маштабны і зацяжны спад, які можа дасягнуць 18%, піша thinktanks.by.
«На сёння ўсе фактары кароткатэрміновай эканамічнай дынамікі спрыяюць зніжэнню ВУП. Пэўны імпульс эканамічнай актыўнасці дае адсутнасць каранцінных мер», — паведаміў старшы навуковы супрацоўнік Цэнтра эканамічных даследаванняў BEROC Дзмітрый Крук.
У той жа час сярод імпульсаў запаволення шэраг вельмі істотных працэсаў. Гэта правал знешняга попыту, нафтавы шок, стыхійны каранцін, зніжэнне попыту на працу, адсутнасць стымулюючых мер, татальная нявызначанасць, рэінкарнацыя праблемы дрэнных даўгоў.
Па словах Дзмітрыя Крука, у залежнасці ад таго, якім будзе шок для глабальнай эканомікі і як будзе праходзіць аднаўленне, існуе вялікая варыятыўнасць сцэнарыяў.
На думку эканаміста, найлепшы варыянт для Беларусі пры добрай эканамічнай палітыцы нашай краіны — спад 3,5% ВУП.
«Калі ўсё пойдзе па самым дрэнным сцэнары, плюс нашы ўлады будуць вымушаныя аб'явіць каранцін, то гэты спад ВУП можа быць больш маштабным», — адзначыў Дзмітрый Крук. Паводле яго слоў, гэтае падзенне можа скласці да 18% ВУП.
«Вілка сцэнарыяў сёння для Беларусі не проста шырокая, яна незвычайна шырокая. Рэцэсія 3,5% на сёння — гэта найлепшае, што можа адбыцца з рэалістычных сцэнараў», — падкрэсліў Дзмітрый Крук.
Ён прызнаў, што ў гэтым разе інфляцыя выйдзе за 5-працэнтны дыяпазон, але, можа быць, застанецца нават адназначнай.
Імавернасць такога сцэнара будзе залежаць як ад знешніх перадумоў, так і ад дзеянняў беларускіх уладаў.
Найгоршы сцэнар, па словах эканаміста, можа быць выкліканы неадэкватнымі палітычнымі захадамі і дрэннай сітуацыяй у глабальнай эканоміцы.
«Гэта — маштабны зацяжны спад ВУП, які суправаджаецца фінансавымі катаклізмамі, то-бок паскарэннем інфляцыі. І канцавым пунктам. Калі мы пойдзем па такім шляху, на жаль, я гэта дапускаю, досыць хутка, але не ў гэтым годзе, мы можам прыйсці да сітуацыі суверэннага дэфолту», — паведаміў Дзмітрый Крук.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары