Беларусь дасягнула дамоўленасці з Польшчай аб магчымасці рэверснай прапампоўкі нафты па адной з галінак нафтаправода «Дружба» з яе тэрыторыі на Мазырскі НПЗ. Вядзецца падрыхтоўка адпаведных кантрактаў на пастаўку нафты праз порт Гданьска, паведаміла «Інтэрфакс-Захад» крыніца ў нафтавай сферы.
«Тэхнічная гатоўнасць да пачатку прапампоўкі нафты практычна забяспечана, дамоўленасці з польскім бокам дасягнуты. У маі трубаправодная сістэма Беларусі гатовая будзе прымаць нафту з тэрыторыі Польшчы», — сказаў суразмоўца.
Між тым, пачатак практычнай пастаўкі нафты на Мазырскі НПЗ з тэрыторыі Польшчы «залежыць ад кантрактаў, у маі яна наўрад ці пачнецца, план ужо звярстаны», — паведаміла крыніца.
Паводле яго слоў, практычную рэалізацыю праекта ўскладняе пандэмія каранавіруса, бо «абцяжарваецца камунікацыя».
Суразмоўца гэтаксама адзначыў, што «на першым этапе пастаўкі нафты з тэрыторыі Польшчы па «трубе» могуць скласці парадку 100 тыс. тон у месяц».
Як паведамлялася, Міністэрства антыманапольнага рэгулявання і гандлю (МАРГ) Беларусі зацвердзіла тарыф на прапампоўку нафты з тэрыторыі Польшчы па нафтаправодзе «Дружба» да Мазырскага НПЗ.
У адпаведнасці з пастановай тарыф на прапампоўку адной тоны нафты ад пункта «Адамава Застава» (тэрыторыя Польшчы) да Мазырскага НПЗ складае Br8,58 (без ПДВ) пры разліках у беларускіх рублях, пры разліках у замежнай валюце тарыф складае 3,56 еўра.
Цяпер чытаюць
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты8
Каментары