Спеўны конкурс «Еўрабачання», які ладзіцца 54-ы раз запар, шмат кім успрымаецца як імпрэз,а прыязная да гей-супольнасці.
Прадстаўнікі сэксуальных меншасцяў Расіі надоечы выказалі свой намер зладзіць у дзень правядзення конкурсу «Еўрабачання», 16 траўня, гей-парад у Маскве.
Паводле аднаго з ініцыятараў акцыі «Славянскі гей-парад» Нікалая Аляксеева, у нядзелю адбылося паседжанне аргкамітэту, на якім прынялі пастанову пра тое, каб правесці гей-парад менавіта 16-га. На пачатку траўня аргкамітэт гей-параду хоча падаць заяўку на правядзення шэсця ў маскоўскую мэрыю.
Чаму «Славянскі»? Паводле словаў Аляксеева, у ім плануецца ўдзел беларускага гей-супольнасці.
Спеўны конкурс «Еўрабачання», які ладзіцца 54-ы раз запар, шмат кім успрымаецца як імпрэз,а прыязная да гей-супольнасці,а яго пераможцамі ў розныя гады рабіліся прадстаўнікі сэкс-мяншыняў: да прыкладу, трансэксуалка Дана Інтэрнэшнл з песняй «Дзіва», а таксама пераможца пазамінулага года, лесбійка Марыя Шэрыфавіч.
Акрамя прывязкі даты правядзення параду да вядомага конкурсу, якая мае павялічыць розгалас у прэсе і грамадстве, прадстаўнікам расійскіх сэксменшыняў патрэбная таксама падтрымка саміх удзельнікаў «Еўрабачання», каб паўплываць на маскоўскія муніцыпальныя ўлады, якія цягам доўгіх гадоў вельмі актыўна запабягаюць мерапрыемствам гей-супольнасці. Ініцыятары гей-параду прапануюць спевакам, удзельнікам конкурсу, начапіць на грудзі шпількі з сімваламі гомасэксуальнай грамады і гэтак выказаць салідарнасць з ёю, каб змяніць збольшага негатыўнае стаўленне расійскага грамадства да сэксменшасцяў.
Але
афіцыйнай падтрымкі ад «Еўрабачання», расійскія геі не атрымаюць.Дырэктар конкурсу швед Свантэ Стоксэліюс зазначыў: «Цяпер за паўтара месяца да конкурса мы (дырэкцыя конкурса) павінны наладзіць 3 тэлетрансляцыі і ў дадатак заапекавацца 42 дэлегацыямі канкурсантаў, таму ў нас няма часу займацца іншымі праектамі». Спадар Стоксэліюс дадаў, што дырэкцыя конкурсу прызвычаілася, што палітычныя і непалітычныя групы выкарыстоўваюць «Еўрабачанне» для сваіх мэтаў.
Каментары