Гранатамёты, кулямёт, кулямётныя стужкі. Аўтобус кіраваўся ў Брэст.
Памежнікі Брэсцкай пагрангрупы і супрацоўнікі Брэсцкай мытні спынілі спробу ўвозу ў краіну партыі зброі.
Як паведаміў БелаПАН начальнік прэс‑цэнтра Дзяржаўнага пагранічнага камітэта Аляксандр Цішчанка, увечары 2 красавіка ў пункце пропуску «Макраны» на беларуска‑ўкраінскай мяжы быў затрыманы пасажырскі аўтобус «Ікарус», якім кіраваў вадзіцель — грамадзянін Украіны. Аўтобус з 47 пасажырамі накіроўваўся па маршруце Ціраспаль — Брэст.
Спачатку ў ходзе надгляду памежным і мытным нарадам пад абшыўкай плафонаў асвятлення было знойдзена 8,5 тыс. пачкаў цыгарэт LM, а ў асабістых рэчах пасажыраў — 148 цюнераў для спадарожнікавых антэн. Пасля гэтага старшыя змен прынялі рашэнне аб паглыбленым надглядзе транспартнага сродку. У выніку ў нішы пад запасное кола было знойдзена
15 пісталетаў Макарава з магазінамі, ручны кулямёт Калашнікава калібру 5,45 мм, адзін сігнальны пісталет СПШ часоў Вялікай Айчыннай вайны, 2 падствольныя гранатамёты, 2 станкі для стралковай зброі, 6 глушыцеляў, адна каробка пад кулямётныя стужкі і 2 кулямётныя стужкі.
Частка зброі была з прасвідраванымі стваламі. Пазней пад панеллю вадзіцеля знойдзены два пашпарты на імя ўкраінскіх грамадзян.
Вадзіцеля ізалявалі, у пункце пропуску ўвялі ўзмоцнены рэжым пагранічнага кантролю, праводзілася работа па выяўленні асоб, якія маюць дачыненне да кантрабанды зброі.
Пасля разбору сем пасажыраў з пункта пропуску забралі ва Украіну сваякі, 29 на мытным аўтобусе адправіліся ў Брэст, узмоцненая праверка праводзілася ў дачыненні да вадзіцеля і яшчэ 11 пасажыраў. Пасля чаго чалавек, які кіраваў аўтобусам, разам з транспартным сродкам быў перададзены ў органы ўнутраных спраў. Магчымасць баявога прымянення зброі высвятляць эксперты.
***
Увесь арсенал зброі папярэдне прызнаны небаяздольным, паведамляе БЕЛТА са спасылкай на УКДБ па Брэсцкай вобласці, якое праводзіць па дадзеным факце праверку. На дадзены момант кіроўца аўтобусу знаходзіцца ў ІЧУ, з пасажыраў аўтобусу ніхто не затрыманы.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы3
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары