Галоўны трэнер зборнай Беларусі па хакеі Міхаіл Захараў распавёў пра задачы, якія будуць стаяць перад камандай на найбліжэйшым чэмпіянаце свету, піша sb.by
«Задача пастаўленая — на хатнім чэмпіянаце свету трэба трапляць у васьмёрку — трэба яе вырашаць. Гэта будзе гістарычны вынік, між іншым. За апошнія 10 гадоў найлепшым месцам сярод зборных, якія толькі выйшлі ў элітны дывізіён, было 13-е Вялікабрытаніі. Вышэй пакуль ніхто не залазіў», - сказаў Захараў.
Два гады таму зборная Беларусі вылецела з эліты і год таму выступала ў першым дывізіёне. Турнір прайшоў у Нур-Султане. Беларусы вярнулі сабе месца ў вышэйшым дывізіёне, але сёлета чэмпіянат, што меўся прайсці ў Швейцарыі, адмяніўся праз каранавірус. Наступны турнір пройдзе ў Мінску і Рызе і пачнецца ў канцы мая. Адна група (восем камандаў) будзе гуляць у сталіцы Беларусі, другая — у Латвіі.
Каб трапіць у васьмёрку, трэба заняць месца ў групе не ніжэй за чацвертае.
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам28
Каментары