У інтэрнэце цяпер распаўсюджваецца шмат фэйкаў з мэтай унясення хаосу і дэзарыентацыі. Так, падчас учарашняй прэс-канферэнцыі Каардынацыйнай рады быў запушчаны фэйк, што ў будынак увайшоў АМАП — гэты ўкід, напэўна, павінен быць застрашыць удзельнікаў прэс-канферэнцыі.
Распаўсюджваюцца шматлікія паведамленні, што дзясяткі трупаў вязняў Акрэсціна спаленыя ў крэматорыі Паўночных могілак, што сапраўдная колькасць забітых — нашмат большая. Гэтая інфармацыя не знайшла пацвярджэння.
Шматлікія паведамленні, асабліва ўкраінскіх рэсурсаў, пра рух калон расійскіх войскаў да мяжы Беларусі і пасадку расійскіх самалётаў не знайшлі пацвярджэння.
Аляксандр Лукашэнка ўчора граміў «праграму» апазіцыі, якой насамрэч не існуе і якая не мае ніякіх адносін да рэальных патрабаванняў Ціханоўскай і стачкамаў.
Сёння ўначы ў СМІ разаслалі сфальсіфікаваны дакумент ад імя Дэпартамента фінансавых расследаванняў — у якім указвалася спасылка на неіснуючы закон.
Такіх фактаў шмат.
Фэйкі можа запускаць адзін з бакоў канфлікту, а таксама замежныя сілы для застрашвання, раздзімання эмоцый ці сеяння хаосу.
Вельмі важна ў гэты перыяд карыстацца толькі праверанымі крыніцамі інфармацыі. На сёння гэта перадусім тэлеграм-каналы надзейных СМІ — @nashaniva, @tutby_official, @radiosvaboda, a таксама іншыя тэлеграм-каналы, якім вы давяраеце. СМІ правяраюць інфармацыю, адсейваюць фэйкі і за гэтыя бурныя 10 дзён дапусцілі мінімум памылак.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары