Сёння пасля 8 сутак адміністрацыйнага арышту з магілёўскага ІЧУ выйшаў журналіст партала 6tv.by Алесь Сабалеўскі, піша mogilev.online.
Нагадаем, ён быў затрыманы падчас акцыі пратэсту ў Магілёве 30 жніўня. 1 верасня яго судзілі за ўдзел у несанкцыянаваным масавым мерапрыемстве. Сабалеўскага прысудзілі да 8 сутак арышту — 6 з іх ён галадаў у знак нязгоды з «прававым самавольствам».
Па словах Сабалеўскага, ён адчувае сябе добра. У ізалятары ён напісаў скаргу на сілавікоў, якія яго затрымалі і, такім чынам, перашкодзілі выкананню журналісцкіх абавязкаў.
Таксама ён паведаміў, што да яго ў ізалятар прыязджаў супрацоўнік Ленінскага РАУС Магілёва і склаў яшчэ адзін пратакол за ўдзел у несанкцыянаваным мітынгу — Сабалеўскі вёў з яго стрым 23 жніўня.
0
0
0
0
0
0
