Беларускі саюз журналістаў на чале з Андрэем Крывашэевым патрабуе абвяржэння ад Tut.by за артыкул «На дзяржТБ суседзяў Беларусі падпісвалі савецкімі назвамі. А пазней патлумачылі чаму».
Публікацыя на Tut.by — пераказ відэазвароту Крывашэева. Аднак ён абураецца трыма момантамі.
Па-першае, Крывашэеў пераконвае, што ягоны выступ — яго асабістая пазіцыя, а не тлумачэнне ад дзяржаўных тэлеканалаў.
Па-другое, Tut.by напісаў, што выкарыстанне цітраў кшталту «былая Літоўская савецкая рэспубліка» — адказ дзяржаўных СМІ на дзеянні Літвы, Польшчы і Украіны. А Крывашэеў сцвярджае, што гэты ніякі не адказ. Маўляў, «настальгічныя цітры» з'явіліся проста так, каб «дагрукацца да нашых калегаў на захадзе і поўдні».
Нарэшце, трэцяя прэтэнзія датычыцца згадкі Беларускага саюза журналістаў як «дзяржаўнага».
Беларускі саюз журналістаў патрабуе публічных прабачэнняў.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе9
Каментары