Грамадства11

Якім павінна быць студэнцкае самакіраванне пры дыктатуры? Дыскутуюць лідары моладзі

У выпуску дэбатаў «ДысКУТ» беларускае студэнцтва абмяркоўвае стварэнне новага ўсебеларускага студэнцкага саюза, які мог бы ўзмацніць і скансалідаваць студэнцкія супольнасці. Тыя, што зараз паўсюдна ўтвараюцца сітуатыўна, становячыся гарачымі пульсуючымі кропкамі думак і ініцыятыў у супрацьвагу інэртным афіцыйным структурам.

Удзельнікі дэбатаў.

Актывіст Моладзевага блока Даніла Лаўрэцкі стаіць на тым, што студэнцтва ва ўсе часы адыгрывала важную ролю ў станаўленні дзяржаўнасці ў розных краінах і сёлета ў Беларусі яно таксама мусіць гучна заявіць сваю пазіцыю. «У сённяшняй Беларусі студэнты паднявольныя, ёсць і размеркаванне, і Закон аб адтэрміноўках. Таму Беларусь павінна стварыць свой нацыянальны студэнцкі саюз», — кажа ён.

«Але проста стварыць арганізацыю — недастаткова для таго, каб яна добра функцыянавала, — адказвае на гэта старшыня Студэнцкага Саюза БДУ Мацвей Шабалін. — Самае складанае пытанне — гэта проста з’яўленне такога органа».

«Даволі цяжка сказаць, што агромістая маса студэнтаў актыўна ўцягнутая ў пратэсты, — уздымае іншае пытанне старшыня Студсаюза на юрфаку БДУ Павел Захарчанка. — Адчуваецца інэртнасць, не толькі ў дачыненні да пратэстнага руху, але і ў цэлым да ўніверсітэцкага жыцця, выказвання нейкага меркавання, пазіцыі». 

«Мэта самакіравання — яна больш шырокая. І рана ці позна, калі мы выйдзем з гэтага палітычнага крызісу, нам трэба будзе займацца чыстым студэнцкім самакіраваннем. І калі мы сфакусуемся на палітычных мэтах, якія ёсць тут і цяпер, наша структура можа аказацца непадрыхтаванай для дзеянняў пасля», — звяртае ўвагу экс-старшыня Рады стараст БДУ Дзмітрый Баранаў.

«Законнасць ці адпаведнасць унутраным рэгламентам універсітэтаў ці нават Кодэксу аб адукацыі — гэта другаснае, бо ў краіне прававы дэфолт. Структура павінна выбудоўвацца знізу, студэнты паказалі, што ўмеюць арганізоўвацца на месцах», — пераконвае Даніла.

«Калі гэта рэальна масавая студэнцкая арганізацыя, адміністрацыі ў любым разе прыйдзецца яе заўважыць і лічыцца з ёй», — упэўненая Ліза Пракопчык.

«Як увогуле можна пабудаваць студэнцкае самакіраванне пры дыктатуры? Гэта немагчыма! Таму як уплываць на сітуацыю? Любымі даступнымі спосабамі: і «легальнымі», і «пратэстнымі», — тлумачыць Наста Крывашэева, студэнтка МДЛУ. 

Каб зразумець, як разважаюць прадстаўнікі беларускага студэнцтва, глядзіце выпуск «ДысКУТ»:

 

На гэтым тыдні адбудуцца дзве новыя дыскусійныя сустрэчы ў межах дэбатаў «ДысКУТ», да якіх вы можаце далучыцца. Пра што яны?

Ідэя для Беларусі: спачатку новая Канстытуцыя ці новыя выбары | 22 кастрычніка ў 17:00⠀

Удзельнічаюць:

Андрэй Ягораў, аналітык Цэнтра еўрапейскай трансфармацыі, сябра Каардынацыйнай рады

Валерыя Касцюгова, рэдактарка сайта «Наше мнение» і «Беларускага штогодніка»⠀

Спадар Андрэй будзе пераконваць, што найперш новая Канстытуцыя для Беларусі, а спадарыня Валерыя — што новыя выбары. Каго падтрымаеце вы?⠀

Ідэя для Беларусі: культпратэст | 23 кастрычніка ў 20:00

Удзельнічаюць:

Максім Жбанкоў, культуролаг, публіцыст

Міхаіл Гулін, мастак, куратар, перформер

Будуць разважаць пра тое, чаму людзі не б’юць вітрыны, а чытаюць вершы на прыступках філармоніі ды слухаюць песні.

Далучайцеся! Рэгістрацыя на прагляд: dyskut.org

Пытанні пакідайце ў каментарах або ў вашых інстаграм-сторыс ды пастах з хэштэгам #ідэядлябеларусі ці #дыскут_ідэя.

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Частка іранскіх ракет ізноў прабіла «Жалезны шчыт» Ізраіля, падалі на жылыя дамы1

Частка іранскіх ракет ізноў прабіла «Жалезны шчыт» Ізраіля, падалі на жылыя дамы

Усе навіны →
Усе навіны

«Да гэтага часу не веру, што выжыў». Расповед адзінага выжылага ў катастрофе самалёта Air India, які разбіўся ў Ахмедабадзе

Хлопца, які ў Лебедзевай бэсціў Еўропу, асудзілі за ўдзел у пратэстах і ўхіленне ад войска6

Лукашэнка запатрабаваў ад вайскоўцаў вынайсці цуд-машыну для барацьбы з дронамі9

Расіяне запусцілі ў Беларусі дзіўны месенджар — рэгістрацыя па нумары тэлефона, а вось выдаліцца можна толькі калі дазволяць34

Джон Кенэдзі і Роберт Кенэдзі згуляюць на клубным чэмпіянаце свету па футболе ў ЗША. Прычым у адной камандзе

Палавое выспяванне робіцца ўсё больш раннім, а псіхалагічная даросласць — позняй. І гэта праблема4

Дзіцячы цэнтр, які адмовіў дзяўчыне ў працаўладкаванні за беларускую мову, улады праверылі і знайшлі парушэнні2

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране11

«Гэты фэст не толькі для кайфу». Арганізатары фестывалю Tutaka расказалі пра сёлетнія планы і перспектывы10

больш чытаных навін
больш лайканых навін

Частка іранскіх ракет ізноў прабіла «Жалезны шчыт» Ізраіля, падалі на жылыя дамы1

Частка іранскіх ракет ізноў прабіла «Жалезны шчыт» Ізраіля, падалі на жылыя дамы

Галоўнае
Усе навіны →

Заўвага:

 

 

 

 

Закрыць Паведаміць