«Ніякіх рэпрэсій няма». Што адбываецца ў гімназіі №50, дзе настаўнікі запісалі зварот да народа
Настаўнікі гімназіі запісалі відэазварот, у якім запатрабавалі спынення гвалту, вызвалення палітзняволеных, аднаўлення на працы звольненых з палітычных матываў выкладчыкаў і адлічаных студэнтаў на вучобе. «Радыё Свабода» спытала ў дырэктаркі гімназіі пра наступствы.
У мінскай гімназіі №50 абверглі звесткі з чатаў пра тое, што дырэктарку гімназіі звальняюць, а настаўнікаў выклікаюць у Міністэрства адукацыі за ўдзел у відэазвароце.
Дырэктарка гімназіі Элеанора Кітуновіч сказала, што не збіраецца даваць ніякіх каментароў.
«Але магу сказаць, што ніякіх рэпрэсій супраць настаўнікаў, калектыву і мяне асабіста няма», — сказала яна.
Выпускнікі гімназіі апублікавалі адкрыты ліст у падтрымку настаўнікаў гімназіі №50.
«Мы, выпускнікі гімназіі №50, выказваемся супраць гвалту, прававога дэфолту і абмежавання базавых чалавечых правоў і свабодаў, тым самым далучаючыся да сказанага вамі, — гаворыцца ў лісце. — Мы ганарымся тым, што гэтага патрабуюць нашы настаўнікі».
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары