У Гомелі ў дзяўчыны канфіскавалі тэхніку з-за курткі. На фота з акцыі засвяціўся рукаў
У гомельскіх тэлеграм-каналах у кастрычніку з'явіўся здымак, дзе група людзей з нацыянальнымі сцягамі стаяла каля адміністрацыі Савецкага раёна Гомеля. Твары ўсе схаваныя, але відаць некаторыя элементы адзення. Вось па іх і сталі вызначаць «падазраваных». Сярод іх аказалася і жыхарка Гомеля Святлана, перадае «Гомельская вясна».
Жанчыну западозрылі пасля таго, як убачылі яе ў гэтым раёне ў сіняй куртцы. А паколькі на здымку быў заўважаны «сіні рукаў», то гэтага аказалася дастаткова, каб ужо некалькі разоў выклікаць у міліцыю на апытанні, гутаркі і забраць усю тэхніку.
Першы раз жанчыну апытвалі на працягу трох гадзін.
У лістападзе дзяўчыну зноў выклікалі ў міліцыю. Двойчы. Апытанні праводзілі пяць, а ў наступны разоў сем гадзін.
Адразу тлумачылі, што нібыта на яе хтосьці паскардзіўся, што яна ходзіць на мітынгі са сцягам. Потым іх стала цікавіць, як Святлана ставіцца да міліцыі, улады і рознай сімволікі. Яшчэ казалі, што гамяльчанка ўдзельнічае ў нейкіх закрытых чатах і яе могуць за гэта пакараць.
«Ніхто з міліцыянераў не прадстаўляўся. Потым, пакуль я сядзела ў міліцыі, у мяне дома адбыўся ператрус. Мая маці — пенсіянерка, даверлівая, запусціла іх у дом. Яны забралі ноўтбук, планшэт і мабільныя тэлефоны. Па выніку ўсё ж ноўтбук праверылі і аддалі ў міліцыі, а тэлефон пакінулі на «экспертызу». Прычым ніякіх дакументаў не далі!» — абураецца Святлана.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае4
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары