Калеснікава: Можаце хоць 10 спраў на мяне завесці, вас гэта не ўратуе
Марыя Калеснікава пракаментавала адмову заводзіць крымінальную справу па фактах выкрадання і пагроз.
Яшчэ 10 верасня Марыя падавала заяву аб распачынанні крымінальнай справы, называючы ўсе імёны і пасады людзей, якія арганізавалі яе выкраданне, пагражалі ёй і сілком спрабавалі вывезці з Беларусі.
Следчы камітэт вырашыў не разглядаць заяву Марыі, а перадаў яе ў Міністэрства ўнутраных спраў. МУС адмовіла ў завядзенні крымінальнай справы.
Калеснікава абураецца тым, што рашэнне аб завядзенні справы дэманстратыўна перадалі Міністэрству, на кіраўнікоў якога яна скардзілася.
«27 студзеня я атрымала адмову ў завядзенні крымінальнай справы. Здзіўленая я? О, не! Там, у кабінеце Карпянкова, спадары Казакевіч і Паўлючэнка ва ўсіх падрабязнасцях распавялі, што мяне чакае, калі я не пакіну краіну: СІЗА, турмы, зневажальныя дагляды, падарванае здароўе, забыццё. Я забуду пра кнігі (Харары, Хокінг, чао!), пра музыку таксама, бо мне пераламаюць пальцы, праз месяц пра мяне ўсе забудуць. 25 гадоў у калоніі, дзе я буду яму (Казакевічу) форму шыць, якую ён будзе апранаць па асаблівых нагодах. Так што не, не здзіўленая.
Я буду далей звяртацца ў Генеральную пракуратуру, у суд, а вы можаце яшчэ хоць 10 спраў на мяне завесці. Вас гэта ўжо не ўратуе. Вы гэта зрабілі — вы гэта ведаеце, я ведаю, вашы міністры ведаюць, кіраўнік дзяржавы ведае, калегі ведаюць, сведкі (а іх нямала), вашы дзеці ведаюць, жонкі, вашы бацькі, сябры і блізкія. Вы гэта зрабілі!» — адзначыла Марыя Калеснікава.
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою15
Каментары