Лявон Халатран, якога прысудзілі да 2 гадоў хіміі, праз 10 хвілін пасля абвяшчэння прысуду выйшаў да людзей, якія яго сустракалі, піша Радыё Свабода.
«Яшчэ не веру, што я на волі. Здаецца, зараз туды вярнуся», — сказаў былы вязень «Валадаркі».
Лявон пажартаваў, што ў турме прызвычаіўся да тэлесерыялаў і забаўляльных шоу, цяпер ягонае любімае «Давай пажэнімся». Што да прысуду, Лявон Халатран будзе яго абскарджваць, а таксама збіраецца адрэагаваць на тое, што пры затрыманні яго білі і абражалі.
«Пакуль сэнсу асабліва няма, але абавязкова трэба гэта зрабіць. Спадзяюся, потым будуць умовы і інструменты, каб гэта спыніць, бо там б’юць кожнага», — сказаў ён.
Паводле Лявона, стаўленне ахоўнікаў «Валадаркі» да вязняў і ўмовы там прымальныя, але следства да палітычных ставіцца інакш.
«Палітычных там у кожнай камеры ўжо па 5 чалавек, не ведаюць, куды падзець, тасуюць», — сказаў Халатран.
Дзе Лявон Халатран будзе адбываць «хімію», палітвязню невядома. З яго ўзялі падпіску пра нявыезд і належныя паводзіны. Паводле прысуду, адзін дзень у СІЗА Халатрану залічаны за 2 дні на «хіміі».
Актывісту штаба Бабарыкі Лявону Халатрану прысудзілі 2 гады хіміі і часова вызвалілі
Актывіст штаба Бабарыкі Халатран у апошнім слове: «Я люблю сваю радзіму — Беларусь. Я не прызнаю віну»
«Дубасілі па галаве, прыгаворваючы: «чарнадупы». Гутарка з жонкай палітвязня пра выхаванне сына без бацькі і ратаванне творчасцю
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной20
Каментары