Першыя валідацыйныя серыі вакцыны «Спутнік V» зрабілі ў Беларусі, паведаміў міністр аховы здароўя Дзмітрый Піневіч.
Расійскі фонд прамых інвестыцый (РФПІ), АТ «Генерыум» і РУП «Белмедпрэпараты», найбуйнейшае беларускае фармацэўтычнае прадпрыемства, запускаюць вытворчасць Расійскай вакцыны супраць каранавіруса «Спутнік V».
На пляцоўках «Белмедпрэпаратаў» па расійскай тэхналогіі разлітыя першыя валідацыйныя серыі гэтай вакцыны. «Пасля атрымання вынікаў вывучэння стабільнасці першых серый вакцыны «Спутнік V» будзе праведзена напрацоўка прамысловых серый прэпарата», — дадаў Дзмітрый Піневіч.
Акрамя таго, РФПІ і партнёры вядуць працу па тэсціраванні тэхналогіі поўнага цыкла выпуску «Спутнік V» на вытворчых магутнасцях у Беларусі. Выпуск вакцыны на пляцоўках прадпрыемства «Белмедпрэпараты» дазволіць цалкам забяспечыць патрэбнасць краіны ў вакцыне супраць каранавіруса.
Беларусь стала першай дзяржавай пасля Расіі, якая афіцыйна зарэгістравала «Спутнік V».
Прэпаратам «Спутнік V» вакцынаваны ўжо больш за 1,5 млн чалавек. Вакцына ўхвалена ў Расіі, Беларусі, Сербіі, Аргенціне, Балівіі, Алжыры, Палесціне, Венесуэле, Парагваі, Туркменістане, Венгрыі, ААЭ, Іране, Гвінеі, Тунісе і Арменіі.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай77
Каментары