Лукашэнка пра фільм «Залатое дно»: Палацы там, яшчэ нешта, і ў штаны залезлі ў канцы. Слухайце, ну гэта наогул ужо непрыстойна
Аляксандр Лукашэнка пракаментаваў фільм, які ўжо сабраў на ютубе больш за 4,5 мільёна праглядаў, пасля «Мінскай лыжні», што праходзіла сёння ў «Раўбічах».
«Я паспрабую [паглядзець]. Кажуць, вельмі вялікі фільм, доўгі. У мяне столькі часу няма глядзець. Мне далі проста блокамі аналіз. Я таксама зрабіў выснову, што новага тут нічога няма.
Самае страшнае для мяне — зганьбіцца перад вамі. Я ніколі не зраблю так, як я не кажу. Калі я сказаў, так і павінен зрабіць. Таму не трэба шукаць. Яны ўзяліся за гэтую тэму дарма. Гэта калька з фільма пра Пуціна. Палацы там, яшчэ нешта, і ў штаны залезлі ў канцы. Слухайце, ну гэта наогул ужо непрыстойна. Прытым называюць канкрэтныя прозвішчы, якія не маюць ніякага дачынення, клянуся вам. Навошта?» — заявіў Лукашэнка.
Каментары