Адзін з факультэтаў БДУІР сёння ў другой палове дня нечакана перайшоў на дыстанцыйнае навучанне
Пра гэта паведаміла dev.by сакратар адной з кафедраў Факультэта камп'ютарных сетак і сістэм БДУІР. «Раней такога не бывала, каб сярод дня заняткі пераводзіліся ў дыстанцыйны рэжым», — адзначыў суразмоўца.
Як распавёў адзін са студэнтаў факультэта, на трэцім курсе лабараторныя праводзяцца дыстанцыйна, а на другім — вочна. Аднак сёння другакурснікам абвясцілі, што на другой змене заняткі будуць праходзіць анлайн. Чацвёртакурснікам, якія праходзяць пераддыпломную практыку на кафедры, таксама напісалі ў чат, каб яны не прыязджалі пасля абеду, «дыстанцыйнае, пачынаючы з 13:00».
Адзін з выкладчыкаў ФКСіС адзначыў для dev.by, што ўчора заняткі праводзіліся вочна і заўтра будуць ісці ў звычайным рэжыме. «Сказалі, дыстанцыйнае толькі сёння».
Цяпер чытаюць
Загінуў беларускі добраахвотнік Васіль «Дзір» Рапіцкі10
Каментары