Міжведамасная камісія Украіны па пытаннях міжнароднага гандлю ўвяла абмежаванні на пастаўку з Беларусі грузавога, будаўнічага, пасажырскага і спецыяльнага аўтамабільнага транспарту, піша «Радыё Свабода».
У прыватнасьці, на ўвоз гэтай прадукцыі ўводзіцца мыта ў памеры 35 адсоткаў ад мытнай вартасці пастаўкі. Раней большасць відаў гэтага транспарту пастаўлялася ва Украіну ўвогуле без мыта.
Як паведамілі ў Міжведамаснай камісіі, новыя правілы гандлю набудуць моц праз 10 дзён. Абмежаванні ўводзяцца ў адказ на стварэнне беларускім урадам «штучных бар’ераў для ўвозу з Украіны колавых транспартных сродкаў і няроўных умоў (для ўкраінскіх суб’ектаў гаспадарання. — РС) для ўдзелу ў дзяржаўных закупках».
Украінскі бок лічыць гэтыя беларускія захады парушэннем двухбаковага пагаднення аб свабодным гандлі.
Пад абмежаванні ва Украіне трапілі маторныя транспартныя сродкі, прызначаныя для перавозкі 10 і больш чалавек; для перавозак грузаў з поршневым рухавіком унутранага згарання агульнай масай, большай за 5 тон, але не большай за 20 тон, і агульнай масай аўтамабіля, большай за 20 тон; грузавыя аўтамабілі для аварыйнага рамонту; аўтакраны; машыны для прыбірання на вуліцах і іншыя.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары