Адна латвійская фінансавая кампанія знайшла адметны шлях падвысіць колькасць сваіх здзелак:
даючы імгненны крэдыт, у выпадку невяртання пазыкі яна просіць душу кліента.
Без залішніх пытанняў пра прыбыткі ў рыжскай кампаніі «Кантора» любы ахвочы можа атрымаць на месцы ад 50 да 500 латаў (ад 300 тыс. да 3 мільёнаў б.р.), хіба наўзамен кліента заабавяжуць зрабіць адну драбніцу: калі грошы не будуць вернутыя праз 90 дзён, дык кліент мусіць «перадаць сваю нематэрыяльную сутнасць, а менавіта неўміручую душу». Тыя, хто бярэ пазыку, мусяць запоўніць дакумент: «Кантора» не правярае фінансавы стан кліента ці месца яго працы, але патрабуе засведчыць, што «душа кліетна сапраўды належыць яму», і што кліент не абавязваўся раней перадаць яе ніякой іншай установе.
На думку спецыялістаў гэта адно ўдалы маркетынгавы ход, бо банкаўскі працэнт на «душэўны» крэдыт даволі высокі: адзін адсотак за адзін дзень (адпаведна 90 адсоткаў за 90 дзён), а тыя, хто атрымаў крэдыт, цяпер рвуць жылы, толькі б вярнуць пазыку.
Смех смехам, бізнэс бізнэсам, але паводле латвійскай расійскамоўнай газеты «Вести Сегодня» да дзвярэй кампаніі «Кантора» штодзень выцягваецца даўжэзная чарга з просьбітаў.
Каментары