Палітвязня Лукашэвіча прысудзілі да 3 гадоў калоніі за спаленне на Магілёўшчыне лялек-чыноўнікаў
Суд Магілёўскага раёна 7 чэрвеня прысудзіў 46-гадовага палітвязня Дзмітрыя Лукашэвіча да трох гадоў калоніі агульнага рэжыму паводле двух артыкулаў Крымінальнага кодэкса: ч. 2 арт. 339 (Злоснае хуліганства) і ч. 2 арт. 368 (Абраза прэзідэнта). Мужчыну асудзілі за выраб і спаленне лялек. Такі прысуд вынес суддзя Максім Курпачэнка, паведамляюць магілёўскія праваабаронцы «Вясны».
У самым пачатку працэсу 4 чэрвеня дзяржаўны абвінаваўца хадайнічаў, каб працэс прайшоў у закрытым рэжыме, патлумачыўшы, што сведкамі па справе будуць праходзіць людзі, якія замяшаныя ў іншым эпізодзе «справы лялек». Суддзя задаволіў хадайніцтва — пасяджэнні праходзілі ў закрытым рэжыме.
Паводле інфармацыі праваабаронцаў, мужчыну прызналі вінаватым у вырабе і спаленні лялек. Як да гэтага стала вядома ад адной з фігурантак справы, якая пакінула Беларусь, Лукашэвічу ставілі ў віну спаленне лялек у пустэльным месцы паміж Магілёвам і вёскай Гаі.
Магілёўца з 2 сакавіка ўтрымлівалі пад вартай. Праваабарончыя арганізацыі Беларусі прызналі яго палітвязнем.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары