Кіраўнік Брэсцкага аблвыканкама — БПЦ: Мы разлічваем, што святары будуць даносіць вернікам аб'ектыўную сітуацыю
У Брэсцкім аблвыканкаме ў аўторак падпісалі праграму супрацоўніцтва з Брэсцкай і Пінскай епархіямі Беларускай праваслаўнай царквы на 2021-2025 гады. Свае подпісы пад дакументам паставілі старшыня Брэсцкага аблвыканкама Юрый Шулейка і архіепіскап Брэсцкі і Кобрынскі Іаан і архіепіскап Пінскі і Лунінецкі Стэфан, піша БелТА.
«Заўсёды ў беларускай дзяржавы, урада былі самыя цёплыя, шчырыя адносіны з духавенствам. Я магу сказаць аб поўным узаемаразуменні паміж уладай і іерархамі БПЦ у Брэсцкай вобласці. Звычайна царква па-за вялікай палітыкі, але яна блізкая да сэрцаў сваіх вернікаў.
Таму мы разлічваем, што нашы святары будуць даносіць вернікам аб'ектыўную сітуацыю, тлумачыць, што ў гэты няпросты час неабходна падтрымаць краіну. Думаю, наша далейшае ўзаемадзеянне дасць плённы вынік», — адзначыў Юрый Шулейка.
Архіепіскап Пінскі і Лунінецкі Стэфан, у сваю чаргу заўважыў:
«Мы выказваем цалкам падтрымку мірных імкненняў нашага народа і гатовыя дапамагчы ў ліквідацыі ўсіх повадаў і прычын, якія могуць выклікаць новыя канфлікты. Бо для нас, царкоўных людзей, вайна з'яўляецца грубым і злачынным скрыўленнем хрысціянскай веры».
«Мы не павінны дзяліць народ на «наш» і «ваш». Ён у нас адзін, гэтак жа, як і Айчына. Нашы людзі працуюць на дзяржаўных прадпрыемствах і ходзяць у царкву. Верым, што падпісаная сёння праграма будзе добрым укладам у духоўнае і матэрыяльнае развіццё нашага грамадства», — дапоўніў Уладыка Іаан.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары