Пандэмія кавіду павысіла верагоднасць новага сусветнага крызісу — МВФ
Тэрміновая фінансавая падтрымка эканомікі з боку дзяржаўных цэнтрабанкаў і міністэрстваў фінансаў павысіла верагоднасць новага фінансавага крызісу. Пра гэта папярэджвае Міжнародны валютны фонд.
У сваёй справаздачы па фінансавай стабільнасці ў свеце, якую МВФ выпускае кожныя шэсць месяцаў, арганізацыя патлумачыла механізмы, што выклікаюць небяспеку новага крызісу.
Згодна з экспертамі, палітычныя лідары былі вымушаныя пайсці на кампраміс паміж неабходнасцю падтрымаць эканамічную актыўнасць і пры гэтым прадухіліць непажаданыя наступствы і сярэднетэрміновыя рызыкі для фінансавай стабільнасці, піша Guardian.
Падчас пандэміі хутка выраслі кошты на дамы ў розных краінах свету. Адпаведныя працэсы мелі месца і з коштамі акцый — як лічаць эксперты, яны ўвогуле былі пераацэненыя.
У такіх умовах інвестары ўсё больш звяртаюць увагу на эканамічныя перспектывы краін, дзе яны працуюць. Усё гэта адбываецца на фоне ўздыму колькасці хворых і няўпэўненасці ў тым, што адбудова эканомікі магчымая.
Эксперты МВФ падкрэсліваюць, што варта звярнуць увагу на папераджальныя прыкметы ў эканоміцы — напрыклад, на рост рызык у фінансавай сферы і ўразлівасцяў у сектары нябанкаўскіх фінансавых устаноў.
Такія з’явы ўказваюць на пагаршэнне сітуацыі з фінансавай стабільнасцю. Калі нічога не будзе зроблена, каб выправіць сітуацыю, гэтыя моманты могуць перарасці ў больш маштабныя крызісныя з’явы, якія паставяць пад пагрозу эканамічны рост і будуць выпрабоўваць сусветную фінансавую сістэму на ўстойлівасць.
Беларусы вынеслі з банкаў рэкордную колькасць грошай. Эксперт: «Гэта крытычна для банкаўскай сістэмы»
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны20
Каментары