Два палітвязні з'ехалі за мяжу. Іх паручыцелям прысудзілі штрафы.
Кіраўніка «Офіса па правах людзей з інваліднасцю» Сяргея Драздоўскага і юрыста арганізацыі Алега Граблеўскага затрымалі 3 лютага. Граблеўскі знаходзіўся ў СІЗА, а Драздоўскі — пад хатнім арыштам. Іх адпусцілі 31 ліпеня пад паручальніцтва чатырох чалавек. Учора суд Партызанскага раёна Мінска прыняў рашэнне спагнаць з паручальнікаў грошы.
Згодна з артыкулам 121 Крымінальна-працэсуальнага Кодэкса РБ, асабістае паручыцельства заключаецца ў прыняцці на сябе асобамі пісьмовага абавязацельства аб тым, што падазроныя або абвінавачаныя, знаходзячыся на волі, не схаваюцца ад органа крымінальнага пераследу і суда, не будуць перашкаджаць расследаванню справы або разгляду яе судом і не будуць займацца злачыннай дзейнасцю.
Між тым і Сяргей Драздоўскі, і Алег Граблеўскі з'ехалі за мяжу. Такім чынам, яны парушылі артыкул 121.
«Вясна» паведамляе, што ўсіх чатырох паручальнікаў асудзілі. Суддзя Партызанскага раёна Міхаіл Макарэвіч вырашыў спагнаць з іх грошы.
У дачыненні да двух паручыцеляў Сяргея Драздоўскага — па 100 базавых велічынь (2900 беларускіх рублёў), а ў дачыненні да двух паручыцеляў Алега Граблеўскага — 200 базавых велічынь (5800 беларускіх рублёў) і 250 базавых велічынь (7250 беларускіх рублёў). Гэтае рашэнне можа быць абскарджана цягам 10 дзён.
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца99
Каментары